Gure saskibaloi taldearen bisita jaso dugu!
Elduaien Hizkuntza Eskolak urte dexente daramatza dagoeneko Gipuzkoako kirol talde, elkarte edo ekimen desberdinak babesten. Hauetatik azkena Easo Saskibaloi Taldeko nesken infantil mailako talde bat izan da eta aste honetan gure Groseko egoitza berrian izan dugu bisitan.
Gure saskibaloi taldearen bisita jaso dugu!
Elduaien Hizkuntza Eskolak urte dexente daramatza dagoeneko Gipuzkoako kirol talde, elkarte edo ekimen desberdinak babesten. Hauetatik azkena Easo Saskibaloi Taldeko nesken infantil mailako talde bat izan da eta aste honetan gure Groseko egoitza berrian izan dugu bisitan.
Amaia, Enara, Karla, Leire, Maider, Maria, Nuria eta Patricia jokalariak Ainhoa entrenatzailearekin eta Bully klubeko kirol zuzendariarekin azaldu dira gure akademian. Polita izan da gu ezagutzeko zeukaten grina ikustea eta gure instalazioak behetik gora ikertzeko zein ilusioarekin etorri diren jakitea.
Oso irribarretsuak egon dira hasieratik bukaerara eta Lur Palacios gure Groseko egoitzako arduradunak ere ederki gozatu du beraien naturaltasunarekin.
Gainera, sekulako oparia ekarri digute, gure akademiaren horma batean koadro batean sartuta harrotasunez zintzilikatuko dugun guztiek sinatutako kamiseta, hain zuzen ere.
Elduaien Hizkuntza Eskola guztientzat oso pozgarria da adin gazte hauetan neska-mutilak kirola egiten laguntzea gure ahalbideen esku dagoenaren arabera. Izan ere, kategoria hauetan kirol emaitzak ez dute inongo garrantziarik, gazteek behar dutena ondo pasatzea eta pertsona eta kirolari bezala haztea baita.
Ildo horretik azaldu ditugu gure iritziak talde honen eta gaztetxoen kirolaren inguruan Easo Saskibaloi Taldeak bere webgunean argitaratu berri duen eta klik batekin irakurri dezakezuen elkarrizketan: www.easosb.com
Elduaien familiaren aldetik, eskerrik beroenak eman taldeko kide guztioi zuen jarreragatik eta hurrengo hilabeteetan saskibaloiaz eta taldekide eta lagun minak diren neskekin gozatzen jarraitzea opa dizuegu. Bejondeizuela!
Jokalariak:
Amaia Elorza
Enara Gomez de Segura
Karla Zubillaga
Leire Otegi
Maider Otegi
Maria Miranda
Nuria Gomez
Patricia Mugica
Entrenatzaileak:
Ainhoa Caballero
Yon Taberna (ezin izan zuen bisitara etorri)