Cambridge azterketa ofizialei begira, esperientzia handiko Elduaiengo irakasleetako bati zeintzuk diren proba hauek egiterakoan kontutan izan behar dituzun alde nagusiak galdetu diogu. Izan ere, une hain garrantzitsu horretan urduritasunak sortutako jukutria gaiztoak saihesten lagundu nahi dizugu. Hona hemen bere gomendioak:
Cambridge azterketak, prestatu zeure burua
Cambridge azterketak, prestatu zeure burua
Hurrengo asteetan antolatuko ditugun Cambridge Assessment English erakundearen probetako bat burutu behar baduzu, ziur egon gomendio hauek zure Cambridge ziurtagiria eskuratzen lagunduko dizutela:
1. Azterketaren egitura ezagutu eta honi ohitu
Azterketa bakoitza atal desberdinez osatuta dago eta zati bakoitzak bere ezaugarri zehatzak ditu. Azterketaren egitura ezagutzeak egoerari errazago aurre egitea eta ezustekoak saihestea baimenduko dizu.
2. Atal bakoitza burutzeko daukazun denbora jakin eta kontrolatu
Azterketaren zati bakoitza egiteko daukazun gehienezko denbora ezagutzeak eta hura aldi oro kontrolatzeak zenbat gelditzen zaizun jakiten eta proba segurtasun gehiagorekin egiten lagunduko dizu.
3. Erantzun zuzena topatzen lagunduko dizuten elementuak identifikatzen ikasi
Testuinguruak, hitz batzuen erabilerak eta esaldiaren egitura berak sarritan erantzun zuzena zehazten dute. Elementu horiek guztiak identifikatzeak bilatzen den erantzuna aurkitzen eta egitekoei arrakasta lortzeko aukera gehiagorekin aurre egiten lagunduko dizu.
4. Idatzi mota (writing) bakoitzak dituen elementuak zeintzuk diren ezagutu
Idatzi mota bakoitzak (gutunak, txostenak, posta elektronikoak, etab.) bere egitura propioa du eta bakoitzean erabili beharreko formulak eta egiturak nolakoak diren ezagutzeak segurtasuna emango dizu idazteko garaian.
5. “Dakizun guztia baino, badakizula azaltzea da garrantzitsuena”
Aztertzaile eta ebaluatzaileek ez zaituzte ikasturte osoan zehar zurekin egon diren irakasleek bezala ezagutzen eta azterketan zehar egiten duzuna besterik ez dute baloratuko. Horregatik, derrigorrezkoa da une oro eskuratu dituzun ezaupideak erakusten saiatzea eta zure mailarik altuena isladatzea, honek espero duzun emaitza lortzea baimenduko dizu-eta.