Elduaien Hizkuntza Eskolak hurrengo asteazkenean, maiatzaren 20a, bere zentro guztiak berriz irekiko ditu, nahiz eta oraingoz bakarrik jendearen arretarako izango den.
Elduaien zentroak berriz irekiko ditugu
Elduaien Hizkuntza Eskolak hurrengo asteazkenean, maiatzaren 20a, bere zentro guztiak berriz irekiko ditu, nahiz eta oraingoz bakarrik jendearen arretarako izango den.
Ezin daiteke bestela izan eta Elduaienen segurtasun neurri guzti-guztiak hitzez hitz bete ahal izango ditugula ziurtatu nahi izan dugu zorioneko erabaki hau hartu baino lehen.
Jendearen arteko eta langileekiko distantziak zorrozki jarraituko dira gure egoitza guztietan eta hauen garbitasuna eta desinfekzioa zehatz-mehatz zainduko dira egunero, noski.
Gure langileek eskuzorroak, maskarak eta pantailak erabiliko dituzte uneoro gurera datozenak segurtasun osoa izango dutela sentiarazteko, osasun alerta hau ez baita bukatu.
Elduaien Hizkuntza Eskolaren zentro bakoitza bere ohiko ordutegian irekita egongo da eta guztietan 65 urtetik gorakoek eta kolektibo kalteberek lehentasuna izango dute goizeko 10etatik eguerdiko 12tarako tartean.
Eskola presentzialak, uztailean
Bukatzear dagoen ikastaroa eskola birtualekin amaituko dugu, baina uztailean bertan klase presentzialak martxan jarriko ditugu ahal badugu (zentzu honetan baikorrak gara) eta ikasleek bi motak izango dituzte aukeran.
Baina ‘normaltasun berria’ zenbat iraungo duen argi ez daukagunez, udako ikastaroetan eta 2020-2021 ikasturtean zehar ikastaro presentzialez gain birtualak ere esakintzen jarraituko dugu jendea seguruago sentiarazten badute.
Eskerrik asko izan duzuen ulermen eta jarreragatik eta asteazkenera arte!