Goethe-Test PRO alemaneko ziurtagiria
Goethe-Test PRO: Deutsch für den beruf (alemana lan mundurako) ziurtagiria lan mundura zuzendutako alemaneko azterketa da eta hau egiteko Europako Hizkuntzen Erreferentzia Marko Bateratuan oinarrituta dagoen Business Language Testing Service (BULATS) ezagunaren metodoak erabiltzen dira. Alemaneko hezkuntzan munduko erakunderik ospetsuena den Goethe-Institutekin elkarlanean aritzen diren zentro aztertzaileetan edo enpresan bertan burutu daiteke, helduei zuzendutako proba bakarra eskaintzen du eta azterketa hau egiteko momentuan 18 urte beteta izatea gomendatzen da.
Hala ere, edozein pertsona aurkeztu daiteke Goethe-Institut erakundeak antolatzen dituen azterketa guztietara, nahiz eta hautagaiak gutxieneko adina (gomendio bat besterik ez da) edo, noski, alemaniar nazionalitatea ez izan.
Goethe-Test PRO: Deutsch für den beruf
Helduei zuzendutako test bat da eta hauen lan ibilbiderako pentsatuta dago eta nazioarteko lan merkatuan lanpostu baten bila ari diren guztientzako aproposa da. Izan ere, hautagaiaren hizkuntza maila era errealistan neurtzea baimentzen du; eta honi hizkuntza hezkuntza aukerak eta ikastaroak gomendatzeko abagunea ere eskaintzen du. Hautagaiaren hizkuntza maila ebaluatzen du lan testuinguruan, adibidez alemana ama-hizkuntza duten bezeroei arreta egiteko gaitasuna frogatu dezakeelako. Mota guztietako enpresei zuzenduta dago baita ere, hauen langileen alemaneko ahalmenak egiaztatzeko balio baitu; eta baita aurretik hauek burututako ikastaroen emaitzak antzemateko edo etorkizuneko alemaneko hezkuntza bideratzeko.
Izan ere, norberaren lan ibilaldian eta enpresen lehiakortasunean arrakasta ez da inoiz kasualitateen fruitua; konfiantza baita beti profesional mailan atalik erabakigarriena. Eta lan munduan, gehien bat atzerriko pertsona edo enpresekin elkarlanean, konfiantza hori hizkuntza berdina hitz egiten denean lortzen da soilik. Alemanaren kasuan, lan mundura begira, guztia ulertzeko eta zure mezua era onenean zabaltzeko hizkuntzaren beharrezko gaitasunak edukitzea guztiz erabakigarria da.
Ordenagailu bidezko azterketa honek ‘Zer modukoa da zure alemana?‘ eta ‘Zein hizkuntza ezaguera dute zure oraingo edo etorkizuneko langileek?‘ bezalako galderei erantzuna eman nahi die. Izan ere, bi galdera hauen inguruko susmo nagiak alde batera utzi eta hizkuntzaren lau gaitasunak ebaluatzen ditu, lanpostu bakoitzerako irakurketa edo entzumen ahalmenak era azkarrean eta segurtasun, eta ziurtasun osoz neurtuz.
Banakako azterketa eztabaidaezina
Teknologia berriak erabiliz, Goethe-Test PRO: Deutsch für den beruf azterketak ordu bat eta ordu t’erdi arteko tartean hautagai bakoitzaren hizkuntza maila neurtzen du.
Parte-hartzaile guztiek maila berdinean hasten dute azterketa, baina honek aurrera egin ahala, programak berak norberari zuzendutako zeregin zehatzak ezartzen ditu aurreko erantzuna kontutan izanda. Sistema eraginkor honen bidez, hautagai bakoitzaren mailara moldatzen da une oro.
Gainera, azterketa honetan ez dago gutxiegirik: behin proba bukatuta, hautagai bakoitzak bere emaitza jasoko du, ziurtagiria eta bere alemaneko mailaren deskribapen zehatz bat barne. Horretaz gain, kasu batzuetan erabakiak hartzea erraztuko duen oinarri bikaina proposatuko dio: adibidez, hizkuntza mailaren inguruan etorkizunera begira interesgarria izan daitezkeen hezkuntza ekimenei aurre egiteko.