HSK 4 txinerako ziurtagiria
HSK 4 ziurtagiria txineraren ezagueraren ebaluatzeko azterketak egin eta gero eskuratzen da. Bizitza osorako balioa duen titulu ofiziala da eta txineraren gaitasun eta ahalmen desberdinak ebaluatzen ditu.
HSK 4 ziurtagiria txineraren erdibideko ezagutzaren laugarrengo mailari dagokio eta Europako Hizkuntzetarako Erreferentzia Marko Bateratuak ezartzen duen B2 laugarrengo mailaren baliokidea da.
Helburua: hautagaiak egunerokoan eta gai asko eta oso desberdinetan mandarin txineran hau ama hizkuntza duten pertsonekin arintasunez hitz egin eta esaten dutena ulertzeko duen gaitasuna neurtzea.
HSK 4 ziurtagiriaren azterketara aurkezteko komenigarria da aurretik HSK 3 ziurtagiria lortu izana.
Azterketara aurkezteko, eta gehien bat gainditu ahal izateko, txinerako 1.200 karaktere piktografiko menperatzea beharrezkoa da, horretarako lau seihilekotan zehar astero mandarin txinerako 2 eta 3 ordu artean jaso behar izan direlarik. Hau da, guztira bi urteko ikasketak.
Erronka honek lan asko eta prestakuntza handia eskatzen du. Izan ere, azterketa honetan gainditzeko zailtasunak nabarmenki handitzen da. Adibidez, entzunezko ulermenaren atalean grabazioa behin bakarrik entzuten da. Eta HSK 3 ziurtagiriaren proban bezala, azterketa osoa Hanzi estiloan idatzita dago, Pinyin-ik gabe.
HSK 4 ziurtagiria eskuratzeko azterketak ordu 1 eta 40 minutuko iraupena du. (Azterketa orrian datuak betetzeko denbora ere honen barne dago)
Garrantzitsua: funtsezkoa da une oro denbora kontrolpean izatea. Argi dago atal bakoitza aurreko HSK azterketenekin alderatuta luzeagoa dela. Horretaz gain, proba guztiek hausnarketa sakonagoak eskatzen dituzte. Ondo prestatuta ez badago, hautagaiak seguraski ezin izango ditu azterketaren atal desberdinak bukatu eta horrek puntuak galtzea eta tentsioak gora egitea egingo du.
Entzunezko ulermena: 45 galdera - 30 minutu - 100 puntu
Egitura: 4 ariketa eta 45 galdera guztira. 30 minutuko tartea daukazu ariketa bukatzeko. Gero beste 5 minutu eskainiko dizkizute zure erantzunak erantzun orrira pasatzeko.
Grabazio bakoitza behin bakarrik entzun ahal izango da.
Irakurketa ulermena: 40 galdera - 40 minutu - 100 puntu
Egitura: 3 ariketa eta 40 galdera guztira. 40 minutuko tartea daukazu ariketa bukatzeko. (hasieratik erantzun orrian idatzi beharko dituzu zure erantzunak).
Kontutan izan azterketako esaldi guztiak txineraz bakarrik idatzita azalduko zaizkizula.
Idatzizko adierazpena: 15 galdera - 25 minutu - 100 puntu
Egitura: idatzizko adierazpenaren proba bi ariketa desberdinek osatzen dute, bat 10 galderez osatuta eta bestea, 5 galderez. 25 minutuko tartea daukazu galdera guztiei erantzuteko (hasieratik erantzun orrian idatzi beharko dituzu zure erantzunak).
Ezagutu eta erabiltzen jakin behar dituzun hiztegiko hitz guztiak HSK 4 titulurako hiztegi zerrenda ofizialean aurkitu ditzakezu.
Azterketa gainditu eta HSK 4 txinerako ziurtagiria eskuratzeko gutxienez 300/180 puntu eskuratu behar dituzte hautagaiek.